Skip to main content
ቆንጆ አስተሳሰብ እንዴት ይሰራል?

ወዳጄ መስታወት

Mejemer Fantaw Tesema Norway Ethiopia Amharic Tatariw mejemeriya መጀመር መጀመሪያ

መስታወት ለሁሉም ሰው በየ ግርግዳው ቅርብ ነው። በቦርሳም የሚይዙ አሉ፡ መስታወት ግን ምን ያሳየናል? ትርዒታዊ፣ ቀላል እና ግልጽ ልብ-ወልድ ግጥም። ተጨማሪ ያንብቡ።

ወዳጄ መስታወት፣
እኔን የማይበት፣
ዋናው የግሌ ቤት፣
ገበያ ወጣሁኝ ላየን ለማሳየት፣
ሸጋ ነው፤ ቆንጆ ናት!
ስጠብቅ በናፍቆት፣
ሰወች እኔን አይተው በተገኘሁበት፣
ለመታየት እንጂ አነሰኝ የሚሰጥ።


ከረባት አሰርኩኝ፣
ጸጉሬንም ቀየርኩኝ፣
ጥምጣሜን አዞርኩኝ፣
እግዜርስ ኮራብኝ?
ቦርጬም አሳሰበኝ፣
መላጣዬ ታየኝ፣
ክሳቴ አስጨነቀኝ፣
ጡንቻየ አደገልኝ፣
ጥርሶቼ ነጡሉኝ፣
ፊቴ ግራ አጋባኝ፣
አልፎ አልፎ ደስ አለኝ፣
ሆዴ ገፍቶ ሳየው ተስፋዬ አበበልኝ፣
ሃሳቤ በሙሉ እኔን ብቻ ጠራኝ።


አሁን ደነገጥኩኝ ፣
በራሴ ላይ ስራ እንዴት አበዛሁኝ?
ወንድሜ የት ገባ ብዬ ካልጠየኩኝ፣
እህቴ የት አለች ብዬ ካልፈለኩኝ፣
እኔስ ምን ሆኛለሁ ብዬ ካላሰብኩኝ፣
ሚናየ በገሃድ ተገልጦ ካልታየኝ፣
የት ነው ያጠፋሁት ብዬ ካልፈለኩኝ፣
ጣቶቼን መቀሰር አሁን ካላቆምኩኝ፣
መስታወቱ እንደሆን ስጋ ነው ያሳየኝ።


ወዳጄ መስታወት እባክህ ንገረኝ፣
ግርግዳ ላይ ሆነህ ሁልጊዜ እምታየኝ፣
እራሴን አብዝቼ ማየቴ ሰለቸኝ፣
ምን አይነት ቃል ወጣኝ?፣
ዛሬ ምን አረኩኝ?
ምን ሃሳብ መጣልኝ?
ቁርጡን አሳውቀኝ!
መልኬን ብቻ ሳይሆን ውስጤንም አሳየኝ።

Add new comment

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.