Skip to main content
ቆንጆ አስተሳሰብ እንዴት ይሰራል?
ለሚሰሩ እጆች፣ ለሚወዱ ልቦችና ለሚያስቡ አዕምሮዎች፤ መጀመር

የሚወዱትንና የሚያልሙትን ስራ በመላ ያግኙት!

mejemer fantaw Ethiopia Amharic Tatariw mejemeriya Addis Ababa amharic Fantaw Tesema

ንም ሰው ቢሆን የሚፈልገውንና ያለመውን ስራ ማግኘት ይወዳል። ምክንያቱም ጥሩና ተስማሚ ሥራ ማግኘት ለደመወዝ ብቻ ሳይሆን በራሱ በስራው እርካታ ለማግኘትና እድገት ለመጨመር ነው። ገና ሲጀመር ሥራ የማግኘቱን ሂዴት ስኬታማ ለማድረግ እራሱን የቻለ አካሄድና ስልት አለው። ይህ የሥራ አፈላለግ ስልት ውጭ በሚገኙ ኢትዮጵያዊያን ላይ ያተኮረ ቢሆንም የትኛውም ሃገር ቢሆን ለማንኛውም ዜጋ ሊጠቅም ይችላል። ምናልባት በማደግ ላይ ያሉ ሃገሮች ይኸን የሥራ አሰጣጥና አፈላለግ ስልት ሙሉ በሙሉ ላይጠቀሙበት ይችላሉ። ባደጉ አገሮች ውስጥ ግን ስልቱ የተለመደ ነው፡፡

ስለዚህ ማንኛውም ዜጋ አገሩ ውስጥም ሆነ ሌላ አገር ቢኖርም፤ እዚህ ጽሁፍ ላይ የተጠቀሰውን የሥራ አፈላለግ ደንብና ስርአት ቢያውቅ ይጠቅመዋል ብዬ አስባለሁ፡፡ እርስዎ ስልቱን በትክክል ከተጠቀሙበት ከአንድ ስራ በላይ ሊያገኙ ስልሚችሉ ስራ መምረጥ ይችላሉ፡፡ ለምሳሌ እኔ ባንድ ወቅት ላይ ሁለት ሥራዎች አግኝቼ አንዱን የተሻለውን ልመርጥ ችያለሁ፡፡ ስራ ሲመርጡ ግን ወዳጅና ዘመድ ማማከር ምርጫውን ቀላል ያደርገዋል፡፡

ይህ ሊሆን የቻለው ሌላ ሥራ ላይ እያለሁ ቢሆንም ሶስት ዓመታት ሙሉ የተሻለ ሥራ ፍለጋ ላይ ነበርኩ። በዚህ ጊዜ ውስጥ የተለያየ ትምህርት ወስጃለሁ፤ ስህተቶችም ሰርቻለሁ፡፡ የመጀመሪያም ሆነ የተሻለ ሥራ ለማግኘት ቋሚ የሆነ ህግና ደንብ ወይም የስራ አፈላለግ ህግ የለም፡፡ እንደ ሁኔታው ይለያያል፡፡ መሰረታዊ አካሄዱ ግን ይመሳሰላል፡፡ በግሌ የማውቀውንና የወሰድኩትን ልምድ ለሌሎች ባካፍል ግን በጣም ደስ ይለኛል፡፡

ዚህ መጀመር ጣቢያ ላይ የቀረበው የስራ አፈላለግ ስልት የተጻፈው በአንድ ንጋት ወይም ምርምር አይደለም፡፡ ውጤትም ለማግኘት ከፈለጉ በስልቱ መሰረት ልምምድ፣ ክትትልና ትኩረት ማድረግ አለብዎት፡፡ ስልቱን በቅደም ተከተል አንብበውና ተረድተው በተግባር ከተረጎሙት ስራ የማግኘቱ ዕድል ይሰፋልዎታል! በሦስት አመታት ጊዜ ውስጥ ከመቶ በላይ ማመልከቻዎች ልኬ ወደ በርካታ ቃለ ምልልሶች ተጠርቼ ነበር፡፡ በደንብ እየታሸሁኝና እየበሸቅሁ ስህተትም ሆነ ትምህርት ወስጃለሁ፡፡ ስለዚህ እርስዎ ስልቱን በሚገባ ካዎቁት ልክ እንደኔ ማንም ወገኛ ስራ ቀጥሪ በነገር አያሸዎትም!!! ስልቱንም ለማወቅ ሶስት አመት መጠበቅ የለበዎትም፡፡ አሁን ተጽፎ በቃላት እያነበቡት ነው፡፡ ልምምድ ግን ይፈልጋል፡፡ አሁን ኮተት አታብዛብኝ፥ ወደ ቁም ነገሩ እንግባ አይሉኝም አንዴ…? እሺ በቃ…

"ቅድመ ዝግጅትና ሁኔታዎች፤" በቅርብ ጊዜ ይገባል፡፡

አስተያየት ይስጡ

Selamawit Guta Thu, 10/07/2021 - 21:42

በጣም ጠቃሚ እውቀት አግኝቼበታለው በርታ ወገንህን ለማገልገል በመጣርህ ልትመስገን ይገባሃል በርታ

Add new comment

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.