Skip to main content
ቆንጆ አስተሳሰብ እንዴት ይሰራል?

ነገር ምግብ እና መጠጥ ወደ ውስጣችን ይገባሉ፤

Mejemer Fantaw Tesema Norway Ethiopia Amharic Tatariw mejemeriya መጀመሪያ መጀመር

በላነውና የጠጣነው ከውስጣችን ከገባ በኋላ ሶስት አይነት ምልክቶች ያሳያል። 1ኛ) ወዲያውኑ። 2ኛ) ትንሽ ቆይቶ። 3ኛ) ከሰነበተ በኋላ። 1ኛ) ወዲያውኑ፤ ለምሳሌ አንድ ሰው ተስማሚ ምግብ ከበላ በኋላ ሆዱ አይወጠርም። ሆዱ ውስጥ አየር አይበዛበትም። 2ኛ) ትንሽ ቆይቶ፤ ምግቡ ሆድ ውስጥ ተረጋግቶ ይቀመጣል። ለመፈጨት ቀላልና ዝግጁ ነው። መጸዳጃ ቤት ሲወጣ አያስቸግርም። 3ኛ) ከሰነበተ በኋላ ግን የተጠራቀመ የችግር ወይም ጤናማ ስሜት ያሳያል። ችግር ከሆነ ለምሳሌ የክብደት፣ የአካልና የመንፈስ ድካም ሊሆኑ ይችላል። የጤና ከሆነ ደግሞ ውሎ እና ህይወታችን ቀልጣፋ ይሆናል።

በልክ የሆነ ተስማሚ ምግብ መመገብ ከባድ ነው? ወይስ ውድ ነው? እንደ ሁኔታው ይለያያል። መጀመሪያ አንድ ሰው የሚስማማውን ለማወቅ ፍላጎት ማሳየት አለበት። ፍላጎት ካሳየ እውቀቱ ይገኛል። ለውስጣዊ ጤናችን ስንል በትኩረት የታጀበ ጥንቃቄ ማድረግ አለብን። ለምሳሌ ልብስ፣ ጫማ፣ መኪና፣ ቤት ወዘተ ጤናችን ትክክል ካልሆነ ብዙ ደስታ አይሰጥም። ምክንያቱም ውጫዊ ነውና። አሁን እንዳይንዛዛ ወደፊት እመልስበታለሁ።

ነገርስ ከሆነ እንዴት ነው?

ንኛውም አይነት ነገር ቀስ በቀስ እያሳሳቀ ወደ ውስጣችን ሲገባ ብዙውን ጊዜ ልብ አንለውም። ነገር ወደ ውስጣችን ገብቶ ከጨረሰ በኋላ ግን አዕምሯችን ውስጥ ተቀምጦ ቅርጽ ይሰራል። ነገር የሚገባበት መንገድ ለምሳሌ በማየት፣ በመስማት፣ በማንበብ እና በመሳተፍ ነው። አንድ ሰው ያልሆነ ነገር ወደ ውስጡ ከገባ ሊያብድ ሁሉ ይችላል። ቁጡ እና ጠበኛ ሊሆን ይችላል። ጥሩ ነገር መምረጥ የሚችል ሰው ከሆነ ግን ሰላም፣ ፍቅር እና ጤንነት እሩቅ አይደሉም። በሰላም ፍቅርና ጤንነት ለመኖር ብዙ ሰው ይፈልጋል። ሁሉም ሰው ያገኛቸዋል ማለት ግን አይደለም። ልባዊ የሆነ ቀና አስተሳሰብና ስራ ይጠይቃሉ። ሞኛዊ ጥቅስና ጸሎት መፍትሄ አይሰጥም። ለምሳሌ ቤተሰብ የሚበተነው፣ ጦርነት የሚነሳው፤ ጓደኛሞች የሚቀያየሙት በነገር ነው። አሁን እንዳይበዛ ወደፊት እመልስበታለሁ።

ወደ ውስጣችን የሚገቡት ምግብና መጠጥ ብቻ አይደሉም። ነገርም ይገባብናል። መምረጥ መቻል ግን የመጀመሪያው ጥሩ እርምጃ ይመስለኛል። ለምሳሌ የምግብ አይነት፣ ብዛት እና ጥራቱን ከዛም የምንበላበትን ወቅት ካወቅነው የመጀመሪያው በር ከፋች መፍትሄ ነው። ለነገር ደግሞ በሚታይ፣ በሚነገር፣ በሚነበብ እና አሳታፊ በሆኑ ነገሮች ላይ የራሳችን ሚዛናዊ የሆነ አስተናጋጅ እውቀት ሲኖረን ነው። ሁሉም ነገር ልክ እና ተሰማሚ መጠን አለው። በቅርቡ በዝርዝር አቀርባለሁ።

ምግብ እና መጠጥ ብቻ ሳይሆን ነገርም ወደ ውስጣችን ይገባል። የሚገባውን ግን መመረጥ አለብን። ለዚህም ነው የጥንቶቹ አባቶቻችን "ታሞ ከመማቀቅ አስቀድሞ መጠንቀቅ" ያሉት።

Add new comment

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.