Skip to main content
ቆንጆ አስተሳሰብ እንዴት ይሰራል?
ለሚሰሩ እጆች፣ ለሚወዱ ልቦችና ለሚያስቡ አዕምሮዎች፤ መጀመር

እንኳን ወደ ልዩ "መጀመር"ጣቢያ መጡ!

mejemer fantaw Ethiopia Amharic Tatariw mejemeriya Addis Ababa amharic Fantaw Tesema

ንታው እባላለሁ፡፡ ኢትዮጵያ እንዴት ብላ ማደግ ትችላለች እያሉ አስበው ያውቃሉ? አስተሳሰብዎ አንደኛ ደረጃ እንዲሆን ይፈልጋሉ? ለሃገሬ ምን ላርግ እያሉ ውስጥዎ ይቃጠላል? አስተሳሰብዎን ማስተዳደርና መቆጣጠር ይፈልጋሉ? ወይስ እንደ ነገሩ ልክ እንደ እንሰሳት በእግራችን ተንቀሳቀስን ውለን ካደርን በቂ ነው? እንግዳውስ ወደ ትክክለኛ ጣቢያ መጥተዋል፡፡ ዋናው አላማየ ሁሉም የኢትዮጵያ ልጆች ተከባብረው በሰላም እንዴት መኖር እንደሚችሉ በቀላሉ ለማስረዳት ነው፡፡ የሰለጠነ አስተሳሰብ ለማዳበር፤ ከራሴ ጀምሮ ማንም ሰው ቢሆን አቅጣጫና ልምምድ ያስፈልገዋል፡፡ ይኸን ልምምድና አቅጣጫ ለማሳየት የተቻለኝን ልባዊ ጥረት አደርጋለሁ፡፡

ለጨለማ ጊዜ መብራት እንደሚያስፈልግ ሁሉ ለችገር ጊዜም ብልሃት ያስፈልጋል፡፡

አንዲት ሃገር ክብር የሚለካው የዜጋዋ ጥሩ ባህሪና ስልጣኔ በተግባር ሲታይ ነው፡፡ ሃይማኖትና ታሪክ መሰረት ናቸው እንጂ ልክ እንደ ባህሪና ስልጣኔ ወቅታዊ ሚና የላቸውም፡፡ አሁን ለምሳሌ ኢትዮጵያ ድሃ ሃገር ነች ይባላል፡፡ ኢትዮጵያ ግን ልክ እንደ ሃገር ድሃ ነች ብየ እኔ አላምንም፡፡ የሰው ባህሪ እንጂ የሃገር መጥፎ የለውም፡፡ ልክ እንደ ህዝብ ግን አስተሳሰባችን ላይ እንከን ስለበዛበት ኢትዮጵያን ድሃ እንዲትባል አርጓታል፡፡ የማይሰራ ነገር ላይ ችክ እንላለን፡፡ የኢትዮጵያ እድሜ ከ 3ሺህ ዓመት በላይ ነው ይባላል፡፡ በዚሁ ልክ ሊመጥን የሚችል የረቀቀና የሰለጠነ አስተሳሰብ ሊኖረን ይገባ ነበር፡፡

አንዳንድ ለምሳሌዎች፤

ፍቅር ያሸንፋል ይባላል፡፡ ለዘፈንና ለመዝሙር ግን ይመቻል፡፡ መከባበር ግን ከፍቅር ይቀድማል፡፡ በመስራትና በመከባበር እንጂ በፍቅር ያደገና የሰለጠነ ሃገርና ዜጋ በታሪክ አይቼ አላውቅም፡፡
አንድነት ሃይል ነው ይባላል፡፡ መጀመሪያ ግን የልብ ውህደትና የአዕምሮ አንድነት የሚገነባ በቂ እውቀት በቦታው መኖር አለበት፡፡ አንድ እንሁን ማለት ተጨፍልቆና ተጋጋግሮ አንድ አይነት ዳቦ ይውጣን ማለት አይደለም፡፡ እንጀራ፣ ቂጣ፣ ዳቦ፣ ገንፎ፣ ቆሎ፣ ጠጅ፣ ሻይ፤ ቡና ወዘተ ሆነን ሁላችንም የምንፈልገው ምግብና መጠጥ አይነት ሆነን እንገኝ ማለት ነው፡፡
በጆሮ ከሰማነው ይልቅ በአይን የምናየው ይበልጣል፡፡ ይኸን ለይቶ ለማወቅ ከልብ ስሜት ይልቅ አዕምሮ መጠቀም ከስህተት ያድናል፡፡ ስንሰማው የሚወደድ ስናየው ተቀባይነትና ክብር ይገባዋል ማለት አይደለም፡፡

ሉም ነገር ጥቁርና ነጭ ነው ማለቴ አይደለም፡፡ በዚሁ ልክ ደግሞ ቆንጆ አስተሳሰብ ያለቸው ኢትዮጵያውያን እንዳሉ አውቃለሁ፡፡ የኢትዮጵያ ቁጥር አንድ ጠላት ኋላቀር አስተሳሰብ ነው፡፡ ይኸ ፅሁፍ በትርፍ ጊዜዬ ከምሰራቸው ስራወች አንዱ ነው፡፡ ሙያየ አይደለም፡፡ ሞኝ ውኃ ሲወስደው ይስቃል እንደሚባለው ሆነን እንዳንቀር ለወገንና ለሃር በማሰብ ነው፡፡ የሚስተካከሉት ነገሮች ብዙ ስለሆኑ ጊዜ ይወስዳሉ፡፡ ካሁኑ መጀመር ግን ጥሩ ምርጫ ነው፡፡ ስለዚህ ይኸን ልዩ ጽሁፍ አይተውና አንብበው ከወደዱት በተግባር ይሞክሩት፡፡ ጽሁፉ በኢትዮጵያዊያን ላይ ያተኮረ ቢሆንም ላደጉና በማደግ ላይ ላሉ ሃገሮችም ይጠቅማል፡፡ መጀመር ዶት ኮም ጣቢያ የትምህርት መስጫና የሞራል መገንቢያ ጣቢያ ነው፡፡

በተረፈ መጀመር ጣቢያ ልክ እንደ ይዘቱ ዘመናዊ ነው፡፡ ሃሳቦቹም የቤት ናቸው፡፡ አዲስ ባይሆኑም ልዩ ናቸው፡፡ ቤት ውስጥ የተሰራ የሚጥም ምግብ አይነት እንዲሆን የተቻለኝን ልባዊ ጥረት አድርጌአለሁ፡፡ ይዘቱ ንጹህና ግልጽ አስተሳሰብ አለው ብየ አስባለሁ፡፡

ከትላንቱ ይልቅ ዛሬ ሁላችንም የተሻለ ሰው መሆን እንችላለን!

Add new comment

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.